सांसारीक मनुष्याच्या आयुष्यात माँ लक्ष्मी देवीचा आशिर्वाद अत्यंत आवश्यक आहे. लक्ष्मीदेवीचा आशिर्वाद प्राप्त असल्यास धनप्राप्ती होते व कुटुंबात सुख-शांती व आनंद राहतो. लक्ष्मी देवी आपल्यावर प्रसन्न होण्याकरीता देवीची मनोभावे आराधना करणे आवश्यक आहे.

लक्ष्मी देवीची आठ रूपे आहेत, ज्यांना “अष्टलक्ष्मी” म्हणतात. लक्ष्मीदेवी आपल्या ह्या आठ रूपांद्वारे आराधना करणाऱ्या भाविकांच्या (भक्तांच्या) कुटुंबास आशिर्वाद देते व त्या कुटूंबाची मनोकामना पूर्ण करून त्यांचे आयुष्य सुख शांतीमय व समृद्ध करते. 

अष्टलक्ष्मीची आठ रूपं खालील प्रमाणे आहेत.

१. धनलक्ष्मी – लक्ष्मी देवीचे हे रूप धन-संपत्ती व समृद्धी देणारे आहे. हया रूपाला “वैभवलक्ष्मी” म्हणून देखील ओळखले जाते.

२. संतानलक्ष्मी – आपल्याला चांगली सुदृढ व बुद्धिमान संतान असावी, ही मनोकामना पूर्ण करणारी संतानलक्ष्मी आहे. त्याचप्रमाणे आपल्याला असलेली संतान शारीरिक व बौद्धिक दृष्टीने प्रगती करावी, ही भाविकांची मनोकामना सुद्धा संतानलक्ष्मी पूर्ण करते.

३. धैर्यलक्ष्मी – आयुष्यात यश मिळवण्याकरिता धैर्य (पेशन्स) असणे आवश्यक आहे. परिस्थीती किती ही कठीण असली, तरीही धैर्यवान माणूसच त्यावर विजय प्राप्त करू शकतो. ही मनोकामनापूर्ती धैर्य लक्ष्मीच्या आराधने द्वारा करता येते.

४. गजलक्ष्मी – गज (हत्ती) हे राजसी वैभवाचे प्रतिक आहे. गजलक्ष्मीच्या या रूपात दाखवलेले पांढरे हत्ती, हे इंद्र देवाचे वाहन ऐरावत आहे. गजलक्ष्मीची आराधना केल्याने राजसी वैभव प्राप्त होण्याची मनोकामना पूर्ण होते.

५. विद्यालक्ष्मी- आपण मिळवलेल्या विद्येचे धनात रूपांतर करण्याची किमया अर्थात आपल्या शिक्षणापासून आपल्या नोकरी-व्यवसायात आर्थिक प्रगती होण्याचा आशिर्वाद विद्यालक्ष्मी देते.

६. विजयलक्ष्मी – आपण हाती घेतलेल्या कार्यात आपल्याला भरघोस यश, अर्थातच विजय मिळावा, ही मनोकामनापूर्ती होण्याकरिता विजयलक्ष्मी देवीची आराधना करावी.

७. धान्यलक्ष्मी – धान्यलक्ष्मीची आराधना केल्याने आपल्या कुटुंबास “अक्षयपात्र” चा आशिर्वाद मिळतो. या आशीर्वादामुळे कुटुंबास कधीही “अन्नधान्या” ची कमतरता भासत नाही.